महिला क्रिकेट : कतारविरुद्ध नेपालको सानदार जित

g महिला क्रिकेट

काठमाडाैं । नेपाली राष्ट्रिय महिला क्रिकेट टोलीले पहिलो टी–ट्वान्टी अन्तराष्ट्रिय क्रिकेट अन्तर्गत कतारलाई पराजित गरेको छ ।

दोहास्थित वेस्ट इन्ड पार्क स्टेडियममा मंगलबार भएको खेलमा नेपालले कतारलाई १ सय १९ रनले पराजित गरेको हो ।

जितसँगै नेपालले तीन खेलको सिरिजमा १–० को अग्रता बनाएको छ ।

नेपालले दिएको १ सय ४७ रनको लक्ष्य पछ्याएको कतार ११ ओभर ५५ बलमा अलआउट हुँदै २७ रनमा समेटियो ।

कतारका लागि खादिजा इम्तियाज र एन्जेलिन मारेले ८/८ रन जोडे । केरी पाउनसेटले ७ तथा रिज्फा बानोले ३ रन जोडिन् भने कतारका पाँच खेलाडी सुन्य रनमा आउट भए ।

नेपालकी कप्तान रुबिना क्षेत्रीले ३ विकेट लिईन् भने कविता कुँवर र सिता राना मगरले २/२ तथा करुणा भण्डारीले १ विकेट लिईन् ।

यसअघि पहिले ब्याटिङ गरेको नेपालले २० ओभरमा ४ विकेटको क्षतिमा १ सय ४६ रन बनायो ।

नेपालकी इन्दु वर्माले अर्धशतक समेत पूरा गरिन् । इन्दुले ४५ अर्धशतक पूरा गरेकी हुन् । टी–ट्वान्टी अन्तर्राष्ट्रियमा इन्दुको यो पहिलो अर्धशतक रहेको छ ।

इन्दुले सर्वाधिक ५५ रनको योगदान दिइन् । उनी रिटायर्ट हर्ट हुँदै अर्को खेलाडीलाई मौका दिएकी थिइन् । इन्दु नेपालका लागि टि२० आईमा अर्धशतक प्रहार गर्ने पहिलो खेलाडी समेत बनेकी छिन् ।

यसतै सीता ३३ बलमा ५ चौका सहित ३९ रनमा आउट भइन् भने सरिता मगर २१ बलमा २ चौका सहित २१ रनमा रन आउट हुँदै पेभिलियन फर्किइन् । कविता कुँवर ८ रनमा अविजित रहिन् ।

अब नेपालले बुधबार दोस्रो र बिहीबार तेस्रो खेल खेल्नेछ ।