दाङका सिडियो राम बहादुर कुरुङ्बाङको काठमाडौं सरुवा

received 632116834624916 768x491 1 राम बहादुर कुरुङ्बाङ

दाङ । जिल्ला प्रशासन कार्यालय दाङमा ५ महिना अगाडि दाङ प्रमुख जिल्ला अधिकारीका रुपमा आएका रामबहादुर कुरुम्बाङको सरुवा भएको छ । हिजो बिहीबार गृहमन्त्रालय प्रजिअ कुरुम्बाङलाई गृहमन्त्रालयमा सरुवा गरेको हो ।

पाँच महिनाको अवधिमा कुरुम्वाङले दाङमा एक्सन ओरिन्टेड काम गर्दै आएका थिए । कुरुम्बाङलाई गृह मन्त्रालयमा सरुवा गरिएको हो ।

सम्भवतः दाङमा अब हिरालाल रेग्मी प्रमुख जिल्ला अधिकारीको रुपमा आउने छन् । हाल रेग्मी नेपालगञ्ज उप–महानगरपालिकाको प्रमुख प्रशासकीय अधिकृतका रुपमा कार्यरत छन् । रेग्मी पनि कुशल प्रशासकका रुपमा चिनिन्छन् ।

रेग्मीले जिल्ला विकास समिति कालिकोट, अछाम, सुर्खेत, गुल्मी र दैलेखमा स्थानीय विकास अधिकारीको रुपमा काम गर्नुभयो भने धनगढी, टिकापुर, धरान नगरपालिकामा प्रमुख प्रशासकीय अधिकृतको रुपमा काम गरिसकेका छन् । २०६६ सालमा उपसचिव हुनुभएका रेग्मी २०७६ सालमा सहसचिव भएका हुने ।

सहसचिव भएपछि गृह मन्त्रालय हुँदै सुर्खेतको प्रमुख जिल्ला अधिकारीको जिम्मेवारी निर्वाह गर्नुभएका रेग्मीले यसअघि कर्णाली प्रदेशमा आर्थिक मामिला तथा योजना मन्त्रालयको सचिवको रुपमा कार्यरत भइसकेका छन् । यद्यपि गृहमन्त्रालयले आधिकारिक पत्र भने पठाएको छैन ।