माडी, चितवन । माडीको देबेन्द्रपुरस्थित शनि मन्दिरमा २४ घण्टे अखण्ड कृतन र सन्ध्या आरती हुने भएको छ ।

भोलि भाद्र २९ गते शनिबार शनि एकादशिको दिन बिहान ८ बजेबाट अखण्ड संकिर्तन सुरु हुनेछ भने साँझ करिब ६ बजेबाट सन्ध्या महाआरती गरि भदौ ३० गते विहान ८ बजे समापन हुने युवा पण्डित सुदर्शन सुवेदिने बताउनुभयो ।

दक्षिण सोमेश्वर कालिका धार्मिक समितिको आयोजनामा सञ्चालन हुने उक्त कार्यक्रममा उपस्थितीको लागि सम्पूर्ण माडीबासि, धार्मिक अनुयायीहरुलाई समितिका अध्यक्ष एवं युवा पण्डित सुदर्शन सुवेदिले अनुरोध गर्नुभएको छ ।

माडीको प्रमुख ऐतिहासिक, धार्मीक एवं परिचित पर्यटकिय स्थल शनिधाममा सञ्चालन हुन लागेको उक्त धार्मिक कार्यक्रमलाई सफल बनाउन स्वदेश तथा प्रवाशबाट धार्मिक शुभचिन्तकहरुबाट आर्थिक तथा आवश्यक सामाग्रिहरु समेत सहयोग जुट्न सुरु भएको छ ।