दियो क्लब माडीको आयोजनामा सञ्चालित प्रथम दियो कप-२०८१ को आज दाेस्राे दिनकाे खेलमा जनकल्याण तमु समाज र बैकुण्ठधाम युवा क्लब विजयी भएका छन् ।

आजको पहिलो खेल जनकल्याण तमु समाज र योङ्ग स्टार क्लब पौहारी बिच भएकोमा जनकल्याण तमु समाज ४–१ गोल अन्तरले विजयी भएको छ ।

त्यस्तै, दोस्रो खेल दियो क्लब ‘बि’ र बैकुण्ठधाम युवा क्लब बिच भएकोमा बैकुण्ठधाम युवा क्लब २–० गोल अन्तरले विजयी भएकाे छ ।

प्रतियोगिताको विजेताले नगद रु. ५१ हजार, उपविजेताले नगद रु ३० हजार र साथमा शिल्ड मेडल र प्रमाणपत्र प्राप्त गर्नेछन् । फाइनल खेल असाेज २३ गते सम्पन्न हुनेछ ।