दियो क्लब माडीको आयोजनामा सञ्चालित प्रथम दियो कप-२०८१ अन्तर्गत आज शनिबार भएको खेलमा स्टार स्पोर्टस् क्लब र बसन्तपुर युनाइटेड क्लब विजयी भएका छन् ।

आजकाे पहिलाे खेल स्टार स्पोर्ट्स क्लब र धुबतारा युवा क्लब बिच भएकोमा १-० गोल अन्तरले स्टार स्पोर्टस् क्लब विजयी भएको हाे । त्यस्तै, दोस्रो खेल बसन्तपुर युनाइटेड क्लब र बैकुण्ठधाम युवा क्लब विच भएकोमा बसन्तपुरले २-१ को विजयी हासील गरेको दियाे क्लब माडीका अध्यक्ष हरी पंगेनिले बताउनुभयाे ।

प्रतियोगिताको विजेताले नगद रु. ५१ हजार, उपविजेताले नगद रु ३० हजार र साथमा शिल्ड मेडल र प्रमाणपत्र प्राप्त गर्नेछन् । फाइनल खेल असाेज २३ गते सम्पन्न हुनेछ ।