दियो क्लब माडीको आयोजनामा सुरु भएको प्रथम दियो कप-२०८१ को उद्धघाटन खेलमा बसन्तपुर युनाइटेड क्लब विजयी भएको छ ।

माडी-५ राधापुरस्थित दियो क्लबको खेल मैदानमा आज मंगलबार भएको उद्धघाटन खेलमा बसन्तपुर युनाइटेड क्लबले वुद्धज्योती युवा क्लबलाई ट्राइब्रेकरमा हराउँदै विजयी सुरुवात गरको हो । निधार्रीत समयसम्म दुबै टिमबाट १–१ गोलको बराबरी भएपछि खेल पेनाल्टि सुट आउटमा धकेलिएको थियो । पेनाल्टी सुट आउटमा बसन्तपुरले ५-४ गाेल अन्तरले विजयी भएकाे हाे ।

खेलकाे उद्घाटन प्रमुख अतिथी समेत रहनुभएका बागमती प्रदेश सांसद एवं बागमती प्रदेश शिक्षा, स्वास्थ तथा कृषि समिति सभापति ठाकुर प्रसाद ढकालले गर्नुभयाे ।